முக்கிய விக்கெட்களை இழந்தது ஆஸி: இந்தியா அதிரடி!

பிரிஸ்பேனில் நடைபெற்று வரும் இந்தியாவுக்கு எதிரான நான்காவது (கடைசி) டெஸ்டில் ஆஸ்திரேலிய அணி பேட்டிங் தேர்வு செய்து, முதல் இன்னிங்ஸில் 369/10 ரன்கள் குவித்தது.

முக்கிய விக்கெட்களை இழந்தது ஆஸி: இந்தியா அதிரடி!

இந்தியா, ஆஸ்திரேலியா இடையிலான நான்காவது டெஸ்டின் இரண்டாவது இன்னிங்ஸ் நடைபெற்று வருகிறது.

பிரிஸ்பேனில் நடைபெற்று வரும் இந்தியாவுக்கு எதிரான நான்காவது (கடைசி) டெஸ்டில் ஆஸ்திரேலிய அணி பேட்டிங் தேர்வு செய்து, முதல் இன்னிங்ஸில் 369/10 ரன்கள் குவித்தது.

அதனைத் தொடர்ந்து களமிறங்கிய இந்திய அணி 336 ரன்கள் சேர்த்து ஆல்-அவுட் ஆன நிலையில், இரண்டாவது இன்னிங்ஸ் விளையாடி வரும் ஆஸ்திரேலிய அணி 149/4 ரன்கள் எடுத்து 182 ரன்கள் முன்னிலையுடன் விளையாடி வருகிறது. தற்போது நான்காவது நாள் ஆட்டத்தின் முதல் செஷன் நிறைவடைந்துள்ளது.

நேற்றைய நாள் ஆட்ட நேர முடிவில் டேவிட் வார்னர் 16 (13), மார்கஸ் ஹேரிஸ் 1 (11) களத்தில் இருந்தனர். இன்றைய நாள் துவங்கியதிலிருந்து இருவரும் அதிரடியாக விளையாடி, கரண்ட் ரன் ரேட்டை நான்குக்கும் அதிகமாக வைத்திருந்தனர். ஸ்கோர் விறுவிறுப்படைந்தது.

முதல் ஒரு மணி நேரத்தில் இந்திய பௌலர்கள் விக்கெட்கள் வீழ்த்தவில்லை. நடராஜன் ஓவரில் ஹாட்ரிக் பவுண்டரிகள் பறந்தது. இதனால், அவர் மாற்றப்பட்டு ஷர்துல் தாகூருக்கு ஓவர்கள் கொடுக்கப்பட்டது. ஆரம்பம் முதலே அதிரடியாகப் பந்துவீசிய அவர் 38 (82) ரன்கள் எடுத்திருந்த மார்கஸ் ஹேரிஸை வெளியேற்றினார்.

தொடர்ந்து டேவிட் வார்னரை 48 (75) வாஷிங்டன் சுந்தர் பெவிலியனுக்கு அனுப்பினார். துவக்க வீரர்கள் இருவரும் அடுத்தடுத்து ஆட்டமிழந்ததால் ஆஸி தரப்புக்கு அழுத்தங்கள் அதிகரித்தது. மார்னர் லபுஷேன், ஸ்டீவன் ஸ்மித் இருவரும் களத்திற்குள் வந்தனர்.

இவர்கள் பார்ட்னர்ஷிப் அமைப்பார்கள் என எதிர்பார்த்த நிலையில் லபுஷேன் 25 (22) விரைந்து அவுட் ஆனார். தொடர்ந்து மேத்யூ வேட் 0 (3) விக்கெட்டும் வீழ்ந்தது. இருவரையும்சிராஜ் வெளியேற்றினார்.

தற்போது ஸ்மித் 28* (38), கேமரோன் கிரீன் 4* (28) களத்தில் உள்ளனர். நான்காவது நாள் ஆட்டத்தின் முதல் செஷன் நிறைவடைந்துள்ளது.

இரண்டாவது இன்னிங்ஸில் ஆஸ்திரேலிய அணியை 250 ரன்களுக்குள் சுருட்டினால் இந்திய அணியின் வெற்றி வாய்ப்பு அதிகரிக்கும் என கிரிக்கெட் விமர்சகர்கள் கருதுகின்றனர். டிம் பெய்ன், பேட் கம்மின்ஸ், மிட்செல் ஸ்டார்க், நாதன் லைன், ஜோஸ் ஹேசில்வுட் போன்றவர்கள் மட்டுமே எஞ்சியுள்ளனர். இவர்களை விரைந்து வீழ்த்த வேண்டிய கட்டாயத்தில் இந்திய அணி உள்ளது.

1988ஆம் ஆண்டு முதல் பிரிஸ்பேனில் நடைபெற்ற 31 டெஸ்ட் போட்டிகளில் ஆஸ்திரேலிய அணி ஒருமுறை கூட தோல்வியடைந்தது இல்லை என்பது குறிப்பிடத்தக்கது.

like
0
dislike
0
love
0
funny
0
angry
0
sad
0
wow
0