ராகுலை கீழே இறக்குவது சிறப்பானதாக இருக்காது: கம்பிர்

ராகுலை கீழே இறக்குவது சிறப்பானதாக இருக்காது: கம்பிர்

நியூசிலாந்துக்கு எதிரான ஒருநாள் கிரிக்கெட் தொடரில் கேஎல் ராகுல் மிடில் ஆர்டர் வரிசையில் களம் இறங்குவார் என்று விராட் கோலி தெரிவித்துள்ளார்.

இந்திய கிரிக்கெட் அணியின் முன்னணி பேட்ஸ்மேனான கேஎல் ராகுல் குறிப்பிட்ட ஒரு இடத்தில் நிரந்தரமாக களம் இறக்கப்படாமல் எந்த இடத்திலும் களம் இறக்கப்படுகிறார். விக்கெட் கீப்பிங் பணியுடன் அதை சிறப்பாக செய்து வருகிறார்.

தவான் இல்லாததால் நியூசிலாந்துக்கு எதிரான டி20 தொடரில் தொடக்க வீரராக களம் இறக்கப்பட்டார். ஆனால் ஒருநாள் தொடரில் மிடில் ஆர்டர் வரிசையில் களம் இறக்கப்படுவார் என்று இந்திய அணி கேப்டன் விராட் கோலி தெரிவித்திருந்தார்.

 இந்நிலையில் தொடக்க வீரர் வரிசையில் இருந்து கேஎல் ராகுலை கீழே இறக்குவது சிறந்ததாக இருக்காது என்று கவுதம் காம்பிர் தெரிவித்துள்ளார்.

இதுகுறித்து கவுதம் காம்பிர் கூறுகையில் ‘‘கேஎல் ராகுலை டாப் ஆர்டர் வரிசையில் இருந்து கீழே இறக்கப்பட்டால் இது சிறந்ததாக இருக்காது. 

இந்தியா ராகுல், அகர்வால் காம்பினேசனுடன் சென்றால், ரிஷப் பண்ட் விக்கெட் கீப்பராக பணியாற்றலாம். இந்திய கிரிக்கெட் அணியின் சொத்து கேஎல் ராகுல். விக்கெட் கீப்பராக அவர் சிறப்பாக வகையில் செயல்படுகிறார். 

ஆனால், 50 ஓவர் கிரிக்கெட்டில் அவரை விக்கெட் கீப்பராக செயல்பட வைக்கக்கூடாது. அப்படி செய்தால் அவர் மீது அதிகமான சுமை ஏற்படும்’’ என்றார்.

What's Your Reaction?

like
0
dislike
0
love
0
funny
0
angry
0
sad
0
wow
0