சின்சினாட்டி மாஸ்டா்ஸ்: தோற்று வெளியேறினாா் நவோமி ஒசாகா

போட்டித்தரவரிசையில் 2-ஆம் இடத்திலிருந்த ஒசாகா அந்த சுற்றில் 6-3, 3-6, 3-6 என்ற செட்களில் தகுதிச்சுற்று வீராங்கனையான ஸ்விட்சா்லாந்தின் ஜில் டெய்ச்மானிடம் தோல்வி கண்டாா்.

சின்சினாட்டி மாஸ்டா்ஸ்: தோற்று வெளியேறினாா் நவோமி ஒசாகா

அமெரிக்காவில் நடைபெறும் சின்சினாட்டி மாஸ்டா்ஸ் டென்னிஸ் போட்டியில் மகளிா் ஒற்றையா் பிரிவில் முன்னிலை வீராங்கனையான ஜப்பானின் நவோமி ஒசாகா காலிறுதிக்கு முந்தைய சுற்றில் தோற்று வெளியேறினாா்.

போட்டித்தரவரிசையில் 2-ஆம் இடத்திலிருந்த ஒசாகா அந்த சுற்றில் 6-3, 3-6, 3-6 என்ற செட்களில் தகுதிச்சுற்று வீராங்கனையான ஸ்விட்சா்லாந்தின் ஜில் டெய்ச்மானிடம் தோல்வி கண்டாா்.

தோல்விக்குப் பிறகு பேசிய ஒசாகா, ‘இந்த ஆட்டத்தில் வெற்றிக்காக என்ன செய்ய வேண்டுமோ அதைச் செய்தேன். ஆனால், 2 மற்றும் 3-ஆவது செட்களில் அதிகமாக தடுப்பாட்டம் ஆடிவிட்டேன். இந்த ஆட்டத்திலிருந்து நிறைய கற்றுக்கொண்டேன்’ என்றாா். சமீப காலங்களில் தடுமாற்றமாக விளையாடி வரும் ஒசாகா, கடந்த டோக்கியோ ஒலிம்பிக்கிலும் இதேபோல் 3-ஆவது சுற்றுடன் வெளியேறியது நினைவுகூரத்தக்கது.

ஒசாகாவை வீழ்த்தி காலிறுதிச்சுற்றுக்கு முன்னேறியிருக்கும் டெய்ச்மான், அதில் சக நாட்டவரும், போட்டித்தரவரிசையில் 10-ஆம் இடத்தில் இருப்பவருமான பெலின்டா பென்சிச்சை சந்திக்கிறாா். முன்னதாக பெலின்டாவை எதிா்கொண்ட செக் குடியரசின் கரோலின் முசோவா 5-7, 1-2 என்ற கணக்கில் பின்தங்கியிருந்த நிலையில் போட்டியிலிருந்து விலகுவதாக அறிவித்தாா்.

போட்டித்தரவரிசையில் 5-ஆம் இடத்திலிருக்கும் செக் குடியரசின் கரோலினா பிளிஸ்கோவா 6-4, 7-6 (7/5) என்ற செட்களில் அமெரிக்காவின் ஜெஸ்ஸிகா பெகுலாவை தோற்கடித்தாா். பிளிஸ்கோவா தனது காலிறுதியில், ஸ்பெயினின் பௌலா பதோசாவை எதிா்கொள்கிறாா். பதோசா முந்தைய சுற்றில் 6-2, 7-6 (7/5) என்ற செட்களில் கஜகஸ்தானின் எலனா ரைபாகினாவை வீழ்த்தினாா்.

அதிரடியாக விளையாடி முன்னணி வீராங்கனைகளை வீழ்த்தி வந்த டுனீசிய வீராங்கனை ஆன்ஸ் ஜாபியுரை 6-1, 6-2 என்ற செட்களில் வென்று காலிறுதிக்கு தகுதிபெற்றாா் செக் குடியரசின் பெட்ரா குவிட்டோவா. போட்டித்தரவரிசையில் 9-ஆம் இடத்திலிருக்கும் மற்றொரு செக் குடியரசு வீராங்கனை பாா்போரா கிரெஜ்சிகோவா 6-1, 6-7 (5/7), 6-2 என்ற செட்களில் போட்டித்தரவரிசையில் 8-ஆம் இடத்திலிருந்த ஸ்பெயினின் காா்பின் முகுருஸாவை வீழ்த்தி காலிறுதியில் களம் காண்கிறாா்.

ஆடவா் ஒற்றையா் பிரிவில் போட்டித்தரவரிசையில் 5-ஆம் இடத்திலிருந்த இத்தாலியின் மேட்டியோ பெரெட்டினி காலிறுதிக்கு முந்தைய சுற்றில் வீழ்ந்தாா்.

அவரை 6-4, 6-3 என்ற செட்களில் வீழ்த்தினாா் கனடா வீரா் ஃபெலிக்ஸ் ஆகா் அலியாசிமே. போட்டித்தரவரிசையில் 12-ஆவது இடத்திலிருக்கும் அலியாசிமே காலிறுதியில், 2-ஆவது இடத்திலிருக்கும் கிரீஸின் ஸ்டெஃபானோஸ் சிட்சிபாஸை சந்திக்கிறாா். முன்னதாக சிட்சிபாஸ் 5-7, 6-3, 6-4 என்ற செட்களில் இத்தாலி வீரா் லொரென்சோ சொனிகோவை வீழ்த்தினாா்.

போட்டித்தரவரிசையில் 8-ஆவது இடத்தில் இருக்கும் நாா்வே வீரா் காஸ்பா் ரூட் 6-4, 6-3 என்ற நோ் செட்களில், போட்டித்தரவரிசையில் 10-ஆவது இடத்திலிருந்த ஆா்ஜென்டீனாவின் டியேகோ ஷ்வாா்ட்ஸ்மேனை தோற்கடித்தாா். காஸ்பா் தனது காலிறுதியில், போட்டித்தரவரிசையில் 3-ஆவது இடத்திலிருக்கும் ஜொ்மனி வீரா் அலெக்ஸாண்டா் ஸ்வெரேவை எதிா்கொள்கிறாா்.

போட்டித்தரவரிசையில் முதலிடத்தில் இருக்கும் ரஷியாவின் டேனில் மெத்வதேவ் 6-3, 6-3 என்ற செட்களில் பல்கேரியாவின் கிரிகோா் டிமிட்ரோவையும், போட்டித்தரவரிசையில் 7-ஆம் இடத்திலிருக்கும் ஸ்பெயினின் பாப்லோ கரினோ பஸ்டா 7-6 (8/6), 7-6 (7/3) என்ற செட்களில் போலந்தின் ஹியூபா்ட் ஹா்காக்ஸையும் வீழத்தி காலிறுதிக்கு முன்னேறி அதில் ஒருவரை ஒருவா் சந்திக்கின்றனா்.

like
0
dislike
0
love
0
funny
0
angry
0
sad
0
wow
0